Fjala më përdorur në Itali për 2024 është shqip

Shqipëria ka qenë në qendër të vëmendjes të Italisë për shkak të marrëveshjes Rama-Meloni të nënshkruar në Romë më 6 nëntor të vitit të kaluar.

Zbatimi i marrëveshjes ka kaluar një kalvar të gjatë pengesash deri më tani, pas kundërshtimeve nga opozita dhe pezullimit që i është bërë nga gjykatat italiane të zbatimit të saj.

Shqipëria mori vëmendjen kryesore të mediave italiane përgjatë këtij viti në mediat italiane.

Në këtë konkluzion arrin raporti për 2024-ën i shoqatës “Carta di Roma” me aktivitet 13-vjeçar në fushën e mbikëqyrjes së mbulimit mediatik dhe korrektësisë së informacionit të shpërndarë prej tyre në Itali, për çështjet e emigracionit.