Flakët përfshijnë një anije në Shëngjin

Një anije ka marrë flakë në Portin e Shëngjinit. Drejt portit janë nisur forcat zjarrfikëse, të cilat po punojnë për shuarjen e flakëve dhe izolimin e zjarrit. Në ndërhyrje janë përfshirë edhe punonjësit e portit, të cilët po ndihmojnë në operacionin për vënien nën kontroll të situatës. Ende nuk dihen shkaqet e zjarrit, ndërsa nuk ka informacion zyrtar nëse ka persona të lënduar.