Flakët përfshijnë shkurret pranë Taroninës, zjarrfikësit neutralizojnë rrezikun

Një vatër zjarri është shfaqur në Njësinë Administrative Cepo, pranë fshatit Taroninë në Gjirokastër.

Pas marrjes së njoftimit, grupi i patrullimit që ndodhej në zonë ka shkuar menjëherë në vendngjarje. Nga verifikimi është konstatuar se flakët kishin përfshirë shkurre.

Ndërhyrja e shpejtë e shërbimit zjarrfikës bëri të mundur izolimin dhe shuarjen e plotë të zjarrit brenda një kohe të shkurtër.

Falë reagimit në kohë, u shmang përhapja e flakëve në sipërfaqe më të mëdha dhe situata u vu nën kontroll.