Flakët tek pallati në kompleksin ”Arlis”, ndërhyn edhe helikopteri i ushtrisë

Një zjarr i përmasave të mëdha përfshiu fasadën e një pallati pranë QSUT, duke shkaktuar panik dhe ndërhyrje intensive të forcave zjarrfikëse.

Një helikopter i është bashkuar operacionit për shuarjen e flakëve, duke hedhur ujë nga ajri për të ndihmuar ekipet në terren në vënien nën kontroll të zjarrit.

Ndërkohë, 5 persona janë paraqitur pranë QSUT për ndihmë mjekësore, pasi kanë pësuar asfiksi nga tymi. Raportohet se mes të lënduarve janë 3 zjarrfikës dhe 2 qytetarë.

Flakët kanë shkaktuar dëme të mëdha në godinë. Katet më të prekura nga zjarri janë i katërti, i pesti dhe i gjashti, ku gjithçka është shkrumbuar.