Flamur Noka përplaset me policinë gjatë protestës: Asgjë nuk e ndal marshimin tonë!

Sekretari i Përgjithshëm i Partisë Demokratike, Flamur Noka, është përplasur verbalish me efektivët e policisë gjatë protestës së opozitës, teksa u kërkoi atyre të hapnin rrugën për marshimin e qytetarëve.

Në deklaratën e tij, Noka theksoi se protesta është një e drejtë kushtetuese dhe akuzoi drejtuesit e policisë për zbatim të urdhrave politikë.

“E drejta e protestës është e drejtë kushtetuese. Në paligjshmëri janë urdhërdhënësit e tyre, këta policët e thjeshtë janë viktima të bandës së pushtetit. Asgjë nuk e ndal marshimin tonë”, u shpreh ai.

Më tej, zyrtari i PD-së u bëri thirrje efektivëve të policisë që t’u bashkohen qytetarëve në protestë.

“Ne u bëjmë thirrje policëve të bashkohen me qytetarët, sepse këta janë të vjedhur po aq sa çdo shqiptar”, deklaroi Noka.