“Flirti” Ruso-Turk, bën Perëndimin të jetë i nxehtë dhe i ftohtë

Të hënën, presidenti rus Vladimir Putin u takua me homologun e tij turk Rexhep Tajip Erdogan për herë të tretë në vetëm dy muaj. Sipas gazetës norvegjeze Aftenposten, “flirti” gjithnjë e më e ngrohtë midis dy presidentëve është shkak për alarm në Uashington dhe Bruksel.

Justifikimi zyrtar i vizitës së Putinit në Stamboll ishte një fjalim në Kongresin Botëror të Energjisë. Megjithatë, Vladimir Putin po ashtu vazhdoi të ndërmjetësojë një marrëveshje me Ankaranë mbi tubacionin e rrjedhës nëpër Detin e Zi, e cila është vendosur për të siguruar furnizimet me gaz rus në Europën Perëndimore.

Po ashtu Putin gjithashtu uroi Erdoganin në “stabilizimin e Turqisë”, pas grushtit të shtetit.

“Ne jemi me shpejtësi të plotë për normalizimin e marrëdhënieve”, citohet të ketë thënë Erdogan pas takimit, sipas medias shtetërore norvegjez NRK, e cila ka hetuar arsyet e takimeve mes Putinit dhe Erdogani. Kur bombat e terroristëve goditën Ankaranë dhe Stambollin, nuk kishte valë simpatie nga Europa, në kontrast të plotë me sulmet në Paris, Bruksel apo Nicë. Presidenti Putin, megjithatë, i telefonoi kolegut të tij turk për të treguar mbështetjen e tij.

Sipas gazetës norvegjeze, pakti Ruso-Turk, rrit bashkëpunimin ushtarak midis Moskës dhe Ankarasë që mund të ndikojnë në rezultatin e betejës të vazhdueshme në Aleppo. Një gazetë ruse vuri në dukje lidershipin rus duke pohuar se ai është i bindur që Ankaraja të pres linjat e furnizimit ndaj opozitës siriane.

Turqia është nga ana e saj thellësisht kritike e SHBA-ve dhe NATO-s, të cilat punojnë ngushtë me forcat kurde. Shumë prej ushtrisë dhe diplomatëve që kanë punuar ngushtë me SHBA-në, NATO-n dhe BE-në në Turqi, janë arrestuar ose shkarkuar.

Ndërkohë, Turqia ka ushtrinë më të madhe të vendeve anëtare të NATO-s në Europë, e cila numëron deri në 640,000 ushtarë aktivë. Në shtator, Sekretari i Përgjithshëm i NATO-s, Jens Stoltenberg vizitoi Stambollin mes shqetësimit Europian për të siguruar që gjërat kanë mbetur si më parë midis NATO-s dhe Turqisë.

Marrëdhëniet ruso-turke u përkeqësuan në mënyrë dramatike gjatë vitit të kaluar, pasi Rusia filloi një fushatë ushtarake në Siri. Kulmi erdhi kur një avion turk qëlloi mbi një avion rus në Siri. Pavarësisht nga fakti se disa nuk besonin në një pajtim të tillë të shpejtë, liderët nuk kanë kursyer asnjë përpjekje për të ndrequr gardhet.

Sot, në marrëdhënie të reja dhe më të ngushta mes Turqisë dhe Rusisë por që mund të kenë pasoja serioze ndërkombëtare, thuhet në gazetën Norvegjeze.

Burimi: Aftenposten/Pershtati: Redjon Shtylla