Forcat e Armatosura kërkesë zyrtare KQZ-së: Rimbursim për transportin e materialeve zgjedhore

Forcat e Armatosura të Republikës së Shqipërisë i kanë dërguar një letër Komisionit Qëndror të Zgjedhjeve, lidhur me shpenzimet për zgjedhjet e pjesshme vendore të 6 nëntorit 2025.

FA-të kërkojnë rimbursimin e parave të shpenzuara për naftë për kamionët, që kanë transportuar materialet zgjedhore.

Në total, në përllogaritjen e Forcave të Armatosura, rezulton se vlera që KQZ duhet t’i paguajë ushtrisë shqiptare është 493 mijë e 255 lekë të reja.

Nga këto, 192 mijë e 500 lekë të reja janë shërbim për personelin, 35 persona, që morën pjesë në shpërndarjen e materialeve zgjedhore.