FOTO/ Aksident i rëndë – Autobusi me nxënës përplaset me veturën, një i vdekur në Elbasan

Një aksident ka ndodhur mbrëmjen e sotme në aksin rrugor Librazhd – Elbasan. Aksidenti ka ndodhur pranë lokalit të njohur me emrin “Zeneli”.

Ka qenë një autobus që transportonte nxënës që është përplasur me një autoveturë me targa AA 352 OK.

Si pasojë e përplasjes ka ndërruar jetë një 22-vjeçar, ndërsa dy të tjerë janë plagosur.

Nga fotot e publikuara nga SYRI.net, shihet se autovetura ka pësuar dëme të mëdha, ndërkohë që mësohet se të paktën dy persona kishin pësuar dëmtime të rënda.

Dëshmitarë nga vendi i ngjarjes, bëjnë të ditur se Policia kishte izoluar zonën dhe nuk lejonte askënd të afrohej.