FOTO/ Gardisti si ”Spider-Man”, mbron Edi Ramën nga shishja që e hodhi deputetja e PD-së

Seanca e jashtëzakonshme plenare për dekretet e Presidentit për ndryshimet në qeveri dhe në drejtimin e Kuvendit, u shoqërua jo vetëm me përplasje verbale dhe shkëmbime akuzash. Një punonjës i Gardës së Republikës shfaqet duke mbrojtur kryeministrin Edi Rama nga një shishe uji e hedhur drejt tij. Shishja e hedhur nga deputetja e PD-së, Albana Vokshi i është drejtuar kreut të qeverisë, por gardisti i pozicionuar pranë tij nuk e ka lejuar ta cenojë fizikisht atë duke e larguar me dosjen që mbante në dorë.