FOTO/ Kushtetuesja vulos qëndrimin në burg të Metës, zbardhet vendimi

Gjykata Kushtetuese ka publikuar arsyetimin e vendimit të 8 prillit, me të cilin rrëzoi kërkesën e ish-presidentit Ilir Meta për shfuqizimin e masës së sigurisë “arrest me burg”.

Sipas vendimit, pesë nga tetë anëtarët e gjykatës votuan kundër kërkesës së kreut të Partia e Lirisë, duke lënë në fuqi masën e sigurisë të vendosur ndaj tij. Gjyqtarët Marjana Semini dhe Marsida Xhaferllari mbështetën pranimin e kërkesës së Metës, ndërsa Sonila Bejtja paraqiti një mendim të veçantë, duke u shprehur gjithashtu në favor të pretendimeve të tij.

Kushtetuesja vlerëson se organet e drejtësisë kanë paraqitur fakte dhe të dhëna të mjaftueshme për të mbështetur dyshimin e arsyeshëm se Meta mund të ketë kryer veprat penale për të cilat po hetohet. Për pasojë, gjykata nuk konstatoi shkelje kushtetuese në vendimet e mëparshme që kanë lënë në fuqi masën “arrest me burg”.