Kryeministri Edi Rama bën me dije se shkolla e re “22 Tetori” në Berat është gati të mirëpresë nxënësit me nisjen e vitit të ri shkollor, duke e cilësuar këtë investim si një tjetër hap drejt afrimit të arsimit shqiptar me standardet më të mira europiane. Në një postim në rrjetet sociale, Rama thekson se falë bashkëpunimit mes Ministrisë së Arsimit dhe Bashkisë Berat, shkolla do të hapë dyert me ambiente moderne, të sigurta dhe funksionale, të projektuara për t’iu përgjigjur kërkesave të një procesi mësimor bashkëkohor.
Postimi i plotë
Shkolla e re “22 Tetori” në Berat është gati të mirëpresë nxënësit, duke sjellë një tjetër investim që e afron arsimin me standardet më të mira europiane.
Falë bashkëpunimit mes Ministrisë së Arsimit dhe Bashkisë Berat, kjo shkollë do të nisë vitin e ri me mjedise moderne, të sigurta dhe funksionale, të konceptuara për një proces mësimor bashkëkohor.
Krahas klasave të reja, shkolla do të ofrojë laboratorë, bibliotekë, ambiente sportive, hapësira për artin dhe zejet, si edhe mjedise të dedikuara për zhvillimin e programit “Pas Shkolle”, duke krijuar më shumë mundësi që fëmijët të mësojnë, të eksperimentojnë, të krijojnë dhe të zhvillojnë talentet e tyre edhe përtej orëve të mësimi.
