Frikë nga eksodi, rriten masat e sigurisë në portin e Vlorës
Eksodi i shqiptarëve drejt Europës në javët e fundit ka rritur vigjilencën e policisë në pikat kryesore të kalimit.
Prej tre ditësh në portin e Vlorës efektivi i policisë është rritur pasi druhet një largim masiv.
Sot pritet një shtim edhe më i madh i forcave policore dhe kontroll i rreptë i udhëtarëve.
Në tre muajt e fundit dhjetëra mijëra shqiptarë janë larguar nga vendi duke kërkuar azil në shtetet e BE-së.
Vetëm në Gjermani kanë qenë 3020 azilkërkues në muajin mars.
Shtetet kryesore ku shqiptarët emigrojnë janë Gjermania, Austria, Franca, Britania e Madhe etj.