Fundjava me shi e stuhi, shkresa drejtuar prefekturave: Merrni masa, priten përmbytje

Ministria e Mbrojtjes ka bërë me dije se gjatë fundjavës pritet që të ketë stuhi dhe shi të madh dhe disa zona rrezikohen të përmbyten.

Sipas ministrisë u është dërguar shkresë zyrtare 5 prefekturave në vend që të marrin masa për parandalimin e përmbytjeve dhe të merren masa për popullsinë.

Prefekturat që kanë marrë shkresën janë ajo e Shkodrës, Lezhës, Fierit, Vlorës dhe Gjirokastrës.

AKMC u ka bërë kërkesë prefekturave që të kalojnë në gatishmëri të gjitha strukturat e pushtetit lokal dhe në rast nevoje të përcaktohet edhe një vend për zhvendosjen e popullsisë.

Vendi është përfshirë nga reshjet e shiut ditët e fundit, por deri më tani nuk ka pasur probleme të mëdha, pasi edhe reshjet nuk kanë qenë shumë intensive.