Furgoni bie në humnerë, tre të plagosur rëndë

Një aksident i rëndë ka ndodhur mëngjesin e sotëm në aksin rrugor Librazhd- Qafë Thanë, në Pishkash me tre persona të plagosur rëndë.

Njoftimi i Policisë

Në aksin rrugor Librazhd- Qaf Thanë, në Pishkash, mjeti fugon mallrash me targa AA 369 UF, me drejtues shtetasin M.M., 32 vjeç, banues në fshatin Vloçisht, Korçë, ka dalë nga rruga dhe ka rënë rreth 40 metra në humner.

Si pasojë janë aksidentuar drejtuesi i mjetit dhe dy pasagjerët, shtetasit E.M., 22 vjeç, dhe K.Ç., 31 vjeç, banues në fshatin Vloçisht Korçë, të cilët po transportohen për në spitalin e Librazhdit, në gjendje të rëndë.

Grupi hetimor ndodhet në vendngjarje dhe po punon pêr zbardhjen e shkakut të aksidentit.