Gara për Tiranën , PD zyrtarizon sot kandidatin, pritet dhe PS

Partia Demokratike pritet të zyrtarizojë sot kandidaturën për kryetar të bashkisë së Tiranës. Me shumë gjasa zyrtarizimi i kandidaturës do të bëhet dhe nga kampi socialist, por kjo  e fundit zyrtarisht ende nuk është konfirmuar.

Dy kandidaturat më të përfolura nga kampi rozë janë Erjon Veliaj dhe Blendi Klosi, ndërsa përballë duket se është e sigurt se do të jetë mjeku dhe deputeti i PD, Halim Kosova.

Ndërkaq të dyja partitë e mëdha kanë ende cështje të pambyllura me aleatët e tyre.

PD nuk ka gjetur akoma gjuhën e përbashkët me PD, ndërsa në kampin tjetër pritet që Rama në orën 16 00 të takojë aleatët për të firmosur marrëveshjen parazgjedhore. Ende nuk ka një marrëveshje me PDS e Milos dhe as me FRD e Bamir Topit. Me interes pritet qëndrimi i PBDNJ së Vangjel Dules, që ka njoftuar një konferencë për mediat në orën 9: 40, ku pritet të deklarohet qëndrimi që kjo forcë politike do të mbajë kur dihet se një ditë më parë PS vendosi të rikandidojë për Himarën, Gjergji Goron.