Gati prishjet e godinave në krah të Teatrit Kombëtar

Foto ne krah te Teatrit Kombetar ku pretendohet te fillojne prishjet e godinave, ne qender te Tiranes

Nesër (të hënën), pritet që fadromat të prishin gjithë ato objekte që kanë zënë hapësirën në krah të teatrit kombëtar.

Lajmin e jep vetë këshilltari i kryeministrit Artan Shreli duke e shoqëruar edhe me një foto pikërisht nga vendi i ngjarjes në Tiranë”. “Këto dy ditë fillon prishja dhe pastrami i çmendurisë dhe budallallëkut që kishin zënë vend, prej vitesh të tëra, në mes të Tiranës”.

Ndërkohë duket që jo vetëm godina e teatrit por edhe zona përreth do të kalojë në një proces të gjatë restaurimi.

Qeveria ka ndërmarrë kohët e fundit një varg masash për lirimin e hapësirave publike, ndërkohë që shumë prej ministrive kanë marrë më shumë hapësira dhe gjelbërim. Përveçse, kanë ndryshuar edhe vendet se ku kanë qenë më parë.