Gent Progni: Sulmi që pësova sot është kundër çdo shqiptari. Braçe i meritoi vezët se është mashtrues

Eksperti i IT, Gent Progni, pjesë e protestës, tha se nuk është e vërtetë që protestuesit hodhën vezë në drejtim të policisë, por vezët ishin për makinën e Erion Braçes. Për të deputeti socialist nuk i mbajti premtimet për uljen e akcizës së naftës, çmimit të ushqimeve dhe imputeve bujqësore. Ai tha se grushti që mori nga “Shqiponjat” ishte kundër shqiptarëve.

“Kemi kulturë më shumë se këta. E patë sot si gënjyen pa pikë turpi, kur thanë se gjuajtëm policin me vezë? Ne i hodhëm vezë makinës së Erion Braçes, sepse gënjeu me premtime në fushatë tha a doni ulje të akcizës së naftës, a doni uljen e TVSH, imputet bujqaësore, ulje të çmimit të ushqimeve.

Një mashtrues ordiner, që sot bën si opozitar, ndaj e mbushëm me 100 vezë makinën e tij. Për mendimin tim duhet të kishim bërë më shumë dhe shefi i “Shqiponjave” ai që vrau Klodian Rashën na ofendoi dhe shtyu. Grushtin që mora ia ktheva vetëm me një vezë”, tha Progni.