Gjendet në Vjosë trupi i pajetë i 59 vjeçares

Eshtë gjendur në ujrat e lumit Vjosë trupi i pajetë i Manushaqe Nexhipit 59 vjeçares që u mbyt në këtë lumë pak ditë më parë.

Kanë qenë polumbarët e forcave RENEA nga Tirana që kishin mbërritur në fshatin Ferras në kërkim të trupit të 59 vjeçares Manushaqe Nexhipi, ata që kanë gjetur trupin e gruas së mbytur.

Sipas familjareve, gruaja ishte e paralizuar nga njëra këmbë dhe njëra dorë, ndërkohë që vuante edhe nga skleroza.

Fillimisht familjarët kërkuan vetë me varka e mjete rrethanore, ndërsa më pas kërkuan ndihmën e policisë dhe polumbarëve.