Sërish është ai Gjergj Luca, i cili ka gjithnjë diçka për të thënë, në mënyrën e tij, e jo ndryshe. Kësaj here ai flet nga tapeti i kuq, “qylymi i kuq” siç e quan ai, në Pallatin e Brigadave, ku gazetarja Anila Basha kremton 10-vjetorin e NewsBomb. Ishte vërtetë një takim “bombë” i dy personazheve të rëndësishëm të sipërmarrjes së suksesshme shqiptare, të cilin e bën të tillë, vetëm ai, Gjergj Luca, ai që i’a ka ënda, jo të jetë në qendër të vëmendjes, se sa në shtjellën e trazimtë të atyre që e ndjekin në rrjetet sociale, atyre që urrejnë dhe e adhurojnë, atyre që e shajnë me libër shpie dhe e lartësojnë në olimpin e vlerësimeve për mënyrën se si ai e prezanton dhe e përfaqëson sipërmarrësin shqiptar, patjetër edhe për humanizmin e tij.
“Kjo fjala “oligark” me gjithë konotacionin negativ që përdoret, nuk na distancon dot as nga puna e as nga njerëzit. Pavarësisht legjendave urbane që dëgjoni për ne, ne vazhdojmë të jemi me këmbë në tokë e me tru në kokë për një dhe të vetmin qëllim final: punë-progres- integrim evropian për Shqipërinë!”, shkruan Luca në postimin e tij në rrjetet sociale, duke u treguar zemërgjerë për gjithë ata që janë mësuar të hedhin baltë dhe të fusin gurë nën rrota, sipërmarrjes shqiptare dhe njerëzve të punës, ata që shajnë e nëmin, të vazhdojnë, se aq na bën. Edhe pse, këshillon Luca, e mira është që secili të shohë punën e vet, kështu i shërbejmë vetes dhe vatanit. Duke vepruar kështu, të gjithë do të priten me qylym të kuq, duke u respektuar dhe nderuar.
AV
