Gjirokastër, komunistët kërkojnë vendosjen e bustit të Enver Hoxhës

Aktualitet E Enjte, 15 Prill 2021 04:13

Komunistët e Gjirokastrës kanë përkujtuar sot 107 vjetorin e lindjes së Enver Hoxhës. Ata janë mbledhur para shtëpisë së lindjes së ish-diktatorit në lagjen “Palorto”.

Kryetari i Parisë Komuniste Shqiptare në Gjirokastër, Bujar Sulejmani, ka parashtruar para mediave kërkesat për Këshillin Bashkiak të Gjirokastrës. Komunistët kërkojnë:

1. Emërtimi rrugës “Enver Hoxha” nga Qafa e Pazarit deri në fundin e lagjes “Palorto”

2.Të rikthehet në identitet muzeu i luftës Antifashiste Nacional Clirimtare te shtëpia e Enver Hoxhës.

3.Të rivendoset busti i shokut Enver pranë vendit ku ka qenë më parë, te kodra e Obeliskut.

Sipas komunistëve përmbushja e këtyre tre kërkesave do të vendoste në vend dinjitetin dhe nderin e kombit shqitar./Lapsi.al/