GJK jep vendimin për Erion Veliaj, Shella: Sot do të vendoset kredibiliteti i shumë institucioneve

Eksperti Gent Shella flet për vendimin e Gjykatës Kushtetuese në lidhje me kërkesën e ish-kryebashkiakut Erion Veliaj për hedhjen poshtë të vendimit për shkarkimin e tij nga detyra e kryebashkiakut.

Për të është me interes  fakti që për herë të parë interpretohet neni 115 I Kushtetutës dhe do të sqarohet se çfarë do të konsiderohet një shkelje e rëndë e Kushtetutës sipas Gjykatës, për një kryetar Bashkie.

”Sot do të kuptojmë nëse Veliaj ka apo jo të drejtë dhe nëse Presidenti i Republikës ka gabuar. Pse është më i rëndësishëm presidenti se vetë Këshilli i Ministrave? I kërkohet të jetë garant i Kushtetutës. Pretendimi i hedhur në “tavolinën” e Kushtetutës është që presidenti gjykon hallkat formale, dhe jo thelbin. Sot vendoset kridibiliteti i shumë institucioneve, si GJK, Këshilli i Ministrave, Presidenti dhe Këshilli Bashkiak”, tha ai.