GJKKO vendos sot fatin e tij! Berisha takim me të rinjtë, dërgon avokatët e tij në seancë

Gjykata e Posaçme vendos ditën e sotme për fatin e ish-kryeministrit Sali Berisha. Në orën 10:00 ka nisur seanca në GJKKO.

Vetë Berisha nuk do të marrë pjesë në seancën gjyqësore ndaj tij, ku gjyqtarja Irena Gjoka do të shqyrtojë kërkesën e SPAK për caktimin e masës së sigurisë “arrest shtëpie”.

Ish-kryeministri ka dërguar në Gjykatë dy avokatët e tij, Sokol Mëngjesi dhe Genc Gjokutaj.

Zyra e shtypit e Berishës ka njoftuar se lideri demokrat do të zhvillojë takim me të rinjtë në selinë blu.