Gjykata e Lartë vishet blu (FOTOLAJM)

Gjykata e Lartë e Republikës së Shqipërisë ka prezantuar për publikun, logon e saj të re zyrtare. Në logon e prezantuar mbizotëron ngjyra blu, ndërsa shkrimi është në ngjyrë të artë. ”Logoja, e cila nga sot do të përdoret zyrtarisht nga Gjykata e Lartë, përmban në paraqitjen e saj një sërë elementesh, që lidhen ngushtësisht me gjyqësorin dhe simbolet përfaqësuese të tij, duke përdorur elementët tradicionalë. Në këtë logo janë bërë bashkë të gjitha vlerat në një, si shqiponja me dy krerë, shpata si simboli i mbrojtjes, simboli i barazisë së palëve përpara gjykatës, peshorja si edhe kolonat, të cilat simbolizojnë forcën dhe qëndrueshmërinë”, thuhet në njoftimin e gjykatës.