Gjykata e Romës anullon prapë zbatimin e Marrëveshjes Meloni-Rama

Nuk ndalojnë sulmet në Itali ndaj kryeministres Meloni për Marrëveshjen me kryeministrin shqiptar.

Gjykata e Romës anuloi sërish paktin Rama-Meloni. Edhe grupi i dytë prej 8 refugjatësh nga Bangladeshi dhe Egjipti do të kthehen sërish në Lampedusa.

Vendimi i qeverisë Meloni që ndryshoi listën për “vendet e sigurta” disa ditë më parë nuk konsiderohet ende i ligjshëm, sepse sipas gjykatësve të Romës, duhet përshtatur me listën e Bashkimit Europian.

Për këtë do të pyetet Gjykata e të Drejtave të Njeriut në Strasburg, ndaj seksioni i emigracionit e ka pezulluar vendimin e mëparshëm të qeverisë së Melonit, që do të thotë se refugjatët do të bëjnë një xhiro tjetër, nga Shqipëria në Itali.