Gjykata urdhëron sekuestrimin e 3.3 milionë eurove të Fazlliçit

Gjykata e Tiranës ka pranuar kërkesën e Bankës së Tiranës për sekuestrimin e pasurisë së biznesmenit Damir Fazlliç. Kjo e fundit e ka pranuar kërkesën e bankës duke leshuar “urdhrin e ekzekutimit për Kontratën per Kredi Afatmesme lidhur midis “Banka e Tiranës” sh.a dhe Shoqerise “Crown Acquisitions” sha, ne shumen totale prej 465,439,220.97 leke.

Sipas “Mapo”, Damir Fazlliç nuk i ka paguar bankës paditëse huanë prej 3.3 milione eurosh qe i ka marrë. Nga detajet e çështjes të rregjistruar më 31 mars 2015, mësohet se paditësi Banka e Tiranes ka paditur  kompaninë Crown Acquisitions sha, e cila rezulton në pronësi të biznesmetit Damir Fazlliç.

Bëhet fjalë për një urdhër ekzekutimi mbi që ka për objekt “Leshimin e urdherit te ekzekutimit per kontrate per kredi afatmesme. Vendimi per leshimin e urdhrit te sekuestros është dhene nga gjyqtarja Kace Agolli. Pak kohë më parë edhe një bankë tjetër shqiptare kishte ngritur të njëjtën padi ndaj Fazlliçit.