Gjysmë ton drogë nga Shqipëria kapet në Gjermani, pranga 61-vjeçarit serb

Një sasi prej 550 kilogramë marijuanë është sekuestruar në Gjermani dhe dyshohet se vinte nga Shqipëria. Mediat gjermane raportojnë se kjo është sasia e dytë më e madhe e sekuestruar në vitet e fundit, pas 625 kg të kapur në 2013.

Nëse sasia e drogës do të hidhej në treg do të kapte vlerën e 5 milionë eurove, ndërkohë droga ishte e një cilësia shumë të mirë.

Mynihu ka qenë vetëm një qytet transit, pasi sipas doganierëve dhe policisë droga e madhe do të dërgohej në Hamburg.

Në pranga është vendosur shoferi 61-vjeçar i kamionit ndërsa ende nuk ka të dhëna për persona të tjerë. Ndaj 61-vjeçari serb rëndon akuza e importit të drogës në sasira të mëdha, akuza e cila e rrezikon atë deri në 2 vite burg.

Hetimet për këtë rast po vazhdojnë, për të zbuluar të gjithë rrjetin të përfshirë në këtë trafik droge.

Gjermania është një vend transit, por edhe destinacion i lëndëve narkotike. Zyrtarë të policisë gjermane thane se në dy vitet e fundit, 2015 dhe 2016 sasia e drogës se konfiksuar është rreth 6 ton. Ndërsa pritet të ketë një rritje në 2017.