Goditet banda shqiptare në Greqi. 8 persona në pranga, mes tyre 4 femra

Goditet ne Greqi një bande shqiptarësh që vidhnin skafe. Operacioni i policisë greke është zhvilluar në Patra, Agrinjo, Astako dhe Ksiromero Aitiloakarnania.

Sipas policisë, në pranga janë vënë 8 shtetas shqiptarë, 4 meshkuj dhe 4 femra. Nga hetimet ka rezultuar se grupi kriminal dyshohet per 10 vjedhje dhe 2 tentativa vjedhje skafesh, 21 vjedhje motora skafesh, 3 vjedhje magazinash, 2 vjedhje trailer transporti skafesh, 4 vjedhje neper automjete, 8 vjedhje kafshësh me në total 55 qengja.

Sendet e vjedhura grupi kriminal i conte në Shqipëri duke i kaluar nga dogana me dokumenta te falsifikuar.

Veprimtarine e tyre e pezulloi përkohësisht situata me COVID-19, pasi kreu i grupit nuk mundi te hynte për një periudhë nga Shqipëria ne Greqi.

Gjate kesaj periudhe një pjesë e grupit u mor me grabitje kafshësh ndërsa një pjesë tjetër shfrytëzonin për prostitucion një vajzë të mitur. Për këtë të fundit janë në kërkim edhe dy shtetas të tjerë.