Grabitësi i vrarë i Rinasit, dyshimet e gazetarit: Kush e qëlloi?

Pas publikimit të pamjeve nga momentet e grabitjes në Rinas, ka pasur shumë spekulime online. Kjo për shkak se një prej grabitësve duket sikur nuk ka maskë, por vetëm syze. Më pas u tha se ai në fakt ka një maskë qerosi.

Mediat thonë se ai dyshohet se ai është personi që ka mbetur i vrarë nga përplasja e armatosur me policinë. Në trupin e grabitësit të vrarë janë gjetur dy kallëpe dinamit të vendosur në brez, ndërsa në dorë kishte një granatë.

Mendohet që personi i vrarë është ai që ka shkëmbyer zjarr me policinë.

Shkëmbimi i zjarrit ka ndodhur teksa grabitësit zbraznin thasët nga furgoni që grabitën në tjetrin me të cilin u larguan.

Por gazetari Artan Hoxha ka dyshimet e tij. Ai thotë se duhet pritur ekspertiza për të mësuar se nga cila armë është qëlluar në drejtim të tij, pasi ai mund të jetë vrarë edhe nga grabitësit e tjerë.