Grabitja në autostradë, makina e djegur rezulton e vjedhur në Kavajë

Makina me të cilën është kryer grabitja e makinës së policisë private e cila po transportonte paratë e një dyqani të një qendre tregtare në autostradën Tiranë-Durrës ishte vjedhur më 19 prill në Kavajë.

Pas grabitjes autorët kanë lënë makinën nja 3 km larg vendit të ngjarjes dhe i kanë vënë flakën.

Makina është me targë AA 826 KK

Detajet kanë dalë gjtë hetimeve të grabitjes bëjnë të ditur burime nga grupi hetimor që po punon zbardhjen e autorëve të grabitjes së ndodhur paraditen e djeshme.

Ndërkohë janë shoqëruar 5 persona në komisariatin nr 6 dhe mes tyre mendohet se mund të jenë dhe autorët e grabitjes ose ata që i ndihmuan të largohen.

Ndërkohë burime nga policia bëjnë të ditur se do të hetohet dhe kompania e sigurisë që transportonte paratë pasi ka dyshime se ka thyer rregullat e transportimit te parave me makinën

Si ndodhi grabitja

Personat e armatosur dhe të maskuar, i kanë dalë në befasi makinës së “Security” tip Mercedes Benz 190-ç me targë AA836 JH. Sipas dëshmitarëve okularë automjeti i grabitësve qëndronte i fshehur në një rrugë dytësore, shumë pranë qendrës tregtare.

Pas grabitjes efektivët e “Security”, qëndruan brenda në makinë në pritje të grupit hetimor.

Menjëherë pas grabitjes, autorët u larguar në drejtim të qytetit të Durrësit.

Policia njofton se, është gjetur një automjet i djegur rreth 3 km larg vendit të ngjarjes shumë pranë Vorës.

Nuk përjashtohet mundësia që autorët e grabitjes të jenë larguar nga Vora me një automjet tjetër i cili I ka pritur atje.

Burime konfidienciale për Ora News pohojnë se shumë e grabitur mund të jetë afërsisht 1 milionë lekë të reja por, ende nuk është konfirmuar zyrtarisht, teksa janë shoqëruar në komisariatin nr 6 për tu marrë në pyetje 6 punonjësit e shoqërisë së sigurisë mes tyre edhe përgjegjesi i kompani.