Grabitja në Rinas, dëshmitarët: Autorët të veshurit si komando (FOTO)

Pas grabitjes në aeroportin “Nënë Tereza”, dëshmitarët të cilët ndodheshin në avion kanë dhënë detaje rreth ngjarjes.

Grabitja brenda aeroportit ”Nënë Tereza”, ndodhi rreth orës 15:00, ndërsa avioni, i cili kishte ndezur motorët ishte gati të nisej për fluturim.

Nga dëshmitë e pasagjerëve, tre persona të veshur si komando u afruan pranë avionit duke kërcënuar me armë punonjësit dhe më pas morën prej andej thasët me para.

Dëshmitarët pohojnë se autorët ishin të veshur si komando dhe në një moment kanë menduar se bëhej fjalë për stërvitje ushtarake.