Grida Duma prezanton platformën “Aleanca me qytetarin”

Nënkryetarja e PD-së, deputetja Grida Duma e pranishme në tryezën për Reformën Territoriale e cilësoi këtë proces të rëndësishëm. Po ashtu ajo prezantoi dhe platformën e re të PD-së, “aleanca me qytetarin”.

”PD një nga risitë e saj tani ka platformën “Aleanca me qytetarin”. Një nga defektet e mëdha që kemi ne që nga modeli deri te aplikimi është çështja e kohezionit social. Shqipëria sidomos vuan fort atë që është besimi i qytetarëve te vendimmarrja ose pjesëmarrja e qytetarëve në vendimmarrje.

Platforma “Aleanca me qytetarin” një nga pikat kryesore ka vendosjen e një minimumi të përfshirjes së shoqërisë civile dhe komuniteteve në politikë për sa i përket marrjes së vendimeve.

Jeta sociale është ndërveprim social do të thotë aftësia e komunitetit për të ndërtuar një jetë të gjallë gjë që komunitetet shqiptare sot nuk e njohin fare. Një nga gjërat që do t’i japim le të themi vlerë të shtuar është kjo platformë të cilën do ta kthejmë në sistemike”.