”Grida Duma si Nora e Kelmendit”, Kreshnik Spahiu: S’mund të rrijë pas ferrave

Lënia e mandatit të deputetit nga ana e Grida Dumës, është një nga temat më të diskutura në emisionet politike e jo vetëm në ekranet tona.

Juristi Kreshnik Spahiu teksa e krahasoi Dumën me Norën e Kelmendit, u shpreh se çdo intelektual e ka të qartë se me Sali Berishën në PD e ka karrierën të humbur.

“Në fakti do të ishte detyrim i Berishës të jepte një përgjigje dhe një detyrim i gazetarëve t’i drejtonin pyetjen në këtë formë: Pse u largua Nora e Kelmendit? Sepse nuk ka një legjendë si Nora që mund të rrijë pas ferrave të Kelmendit, Norat mund të rrinë në majat e Kelmendit. Çdo intelektual e di që me Berishë një karrierë është e humbur”, tha Spahiu.