Gruaja e Gjin Gjonit: Më kanë gjobitur pas sulmeve ndaj tim shoqi. Paratë i kam vënë me mund

Gruaja e Gjin Gjonit, Elona Çaushi, ka reaguar më në fund për akuzat që rëndojnë ndaj të shoqit, se ka fshehur pasurinë. Bëhet fjalë për një shumë prej 2 milionë eurosh.

Ajo thotë se ka gjashtë biznese në Shqipëri dhe zotëron 100% të aksioneve, ndërsa i shoqi s’ka lidhje me to. Sipas saj, i shoqi është sulmuar politikisht. Pas këtij sulmi, ajo thotë se janë sulmuar edhe bizneset e saj, të cilave u janë vendosur gjoba. “Që kur filloi sulmni ndaj tim shoqi, e kasha të qartë që e dyta në radhë do të isha unë, d.m.th bizneset e mia. Çdo biznes i imi është gjobitur në mënyrë të pandërprerë”, thotë ajo në një intervistë për “Panorama”. Çaushi thotë se gjithë pasurinë e saj e ka vënë me mund dhe djersë, duke qenë se ka filluar bizneset e saj në Shqipëri në vitin 1997, duke u kthyer nga Gjermania, në një kohë që të gjithë largoheshin nga Shqipëria.