Roland Kryemadhi, u arrestua të mërkurën nga Policia e Shtetit për dhunë në familje dhe se mbate peng fëmijët, nuk mos i çuar në shkollë. Por një tjetër version ndryshe nga ajo që ka deklaruar policia, ka treguar bashkëshortja e besimtarit mysliman. Sipas saj, fëmijët nuk i ndalon askush të shkojnë në shkollë, por janë ata që nuk duan. Ajo thotë edhe se policia ka gënjyer sepse në shtëpinë e tyre nuk ka pasur armë. 4 fëmijët e kësaj familje sipas kryefamiljares kanë mësuar shumë mirë shkrim e këndim dhe sipas fesë, femra nuk ka obligim për të mësuar e punuar jashtë shtëpisë.
Pavarësisht punës së institucioneve arsimore në këtë zonë për ti kthyer fëmijët në shkollë, nuk kanë mundur ti bindin. Familja nuk njihet si problematike në lagje nga fqinjët e saj. Ato e përshkruajnë si një familje të rregull, jo problematike dhe punëtorë. Roland Kryemadhi ka qenë prej 1 viti nën akuzë. Ka qenë shërbimi social i qytetit që ka qenë në dije të këtij rasti dhe ka njoftuar autoritete përkatëse, të cilët e kanë vënë në hetim. Kjo gjë nuk është pritur aspak mirë nga Kryemadhi, i cili ka refuzuar që të shkojë në Gjykatë.
Ronald Kryemadhi, të martën kishte ditën për t’u paraqitur në Gjykatën e Tiranës por veproi ndryshe. Efektivët e Komisariatit të Kamëz, i shkuan në shtëpi për të bërë shoqërimin e detyrueshëm pasi ai është në gjyq për “dhunë në familje” dhe se nuk lejonte fëmijët të shkojnë në shkollë. Urdhërit nuk iu bind dhe nxorri armën dhe kanosi punonjësit e policisë për vrasje nëse do të afroheshin, madje mbajti peng edhe fëmijët nën këtë trysni. Kjo situatë shqetësoi banorët e zonës dhe shkakoi frikë tek ta. Duke parë që kryemadhi ishte nervoz dhe që negocimi “dështoi”, ata u larguan nga banesa ku rikthyen të mërkurën.
Uniformat blu u rikthyen në banesë por hasën sërish rezistencë nga ana e Kryemadhit. Për këtë arsye efektivë nga Drejtoria e Policisë së Tiranës, FNSH dhe RENEA rrethuan shtëpinë. Pas negociatave që zgjatën për 40 minuta, autori u vetëdorëzua. Ai është i besimit mysliman dhe vajzat i ka të veshura dhe i pengonte fëmijët të mësonin me pretendimin se ata i shkollonte Zoti. A ka probleme të shëndetit mendor? Në një prononcim për mediat, drejtori i Policisë së Tiranës, Rebani Jaupi tha se nuk kanë informacione që vuan nga probleme të shëndetit mendor. Nga ana tjetër, ai tha se veprimet e tij që nuk lejon fëmijët të shkojnë në shkollë ka të bëjë me besimin fetar që ai ndjek apo ka probleme të tilla. “Besimtari mysliman nuk lë fëmijët në shkollë. Ky shtetas ka kundërshtuar policinë dhe nëpërmjet kallashnikovit ua ka drejtuar policëve që nëse nuk largoheshin do qëllonte drejt tyre. Njoftuam RENEA dhe u kërkuar negocimi. Falë negocimit u bë e mundur vetëdorëzimi i këtij shtetasi. Aktualisht Kamza po kryen kontrollin e banesës për sekuestrimin e kallashnikovit, se ka pasur edhe një pistoletë. Nuk kemi informacion që vuan nga probleme të shëndetit mendor, veprimet e tij që nuk lejon fëmijët të shkojnë në shkollë ka të bëjë me besimin fetar që ai ndjek apo ka probleme të tilla”.
Ngjarja shqetësoi banorët e zonës, të cilët u alarmuan nga forcat e Policisë dhe nga sjellja e kryemadhit por një besimtar i kërkonte llogari policisë për arrestimin. Ai legjitimonte veprimin e Kryemadhit për të mbajtur fëmijët larg arsimit. “Pse e keni arrestuar, flisni. E marr unë dënimin e tij nëse ka fyer dikë, nëse ka sharë e marr unë përgjegjësinë. Allahu ju shkatërroftë ju dhe ligjet tuaja, jeni duke luftuar kundër Allahut. Kush zemëron një besimtar të Allahut i ka hap luftë Allahut. Hiqni dorë se jeni në luftë me Allahun. Allahu ka me zbrit dënim dhe ndëshkim për ju. Kanë arrestuar një mysliman të pafajshëm, u dashka me çu fëmijët në shkollë me i zhvesh fëmijët. Unë e njoh, është shumë i qetë. Pendohuni te Allahu para se tu vijë vdekja se nuk ka më shpëtim për ju”.