Guvernatori i BSH-së, Gent Sejko: Inflacioni në Shqipëri 8 %, më i larti që nga 1998

Guvernatori i Bankës së Shqipërisë, Gent Sejko tha se inflacioni në vendin tonë për tremujorin e dytë të këtij viti arriti në 8%. Kjo sipas Sejkos, është norma më e lartë e arritur që prej vitit 1998.

“8% gjatë tremujorit niveli më i lartë që nga viti 1998. Paraqitet i ulët si në kontekstin rajonal dhe europian, baza e inflacionit ka ardhur në rritje dhe zgjerim. Tashmë pjesa më e madhe e artikujve shfaqin normë inflacioni ndjeshëm mbi objektivin tonë 3%”, tha Sejko.