”Hajde sqarohemi”, fqinja e 17-vjeçares së dhunuar: E ndaluan në rrugë, vajza ka rënë në depresion

Një fjali që dukej si një përballje mes adoleshentesh, u kthye në fillimin e një ngjarjeje që la pasoja të rënda për një 17-vjeçare në Fier. “Hajde se do sqarohemi”,kjo ishte mënyra me të cilën tre bashkëmoshatare e kanë afruar vajzën, përpara se ajo të përfundonte e dhunuar.

Për ngjarjen, një fqinjë e vajzës së dhunuar në fshatim Kallmi i Madh në Fier, thonë se nuk kishin dijeni të plotë. 17-vjeçarja ka ndryshuar sjellje dhe gjendja psikologjike është rënduar. Ajo ka pasur nevojë për trajtim në spitalin psikiatrik, ndërsa familja ka kërkuar ndihmë nga autoritetet. Fqinja ka rrëfyer se adoleshentja ishte kthyer në shtëpi e shqetësuar, por fillimisht nuk kishte treguar çfarë kishte ndodhur.

“Ajo shkoi në kurs dhe gjatë kthimit i dolën përpara vajzat. I thanë ”hajde se kemi një sqarim”. E morën dhe e çuan në një banesë. Kur erdhi në shtëpi nuk tregoi. Më pas prindërit mësuan çfarë kishte ndodhur dhe bënë denoncimin”, ka treguar fqinja. Ajo shtoi se pas ngjarjes vajza është bërë e frikësuar dhe reagon ndaj çdo zhurme. “Ka marrë shumë frikë. Nga dhuna ka kaluar në depresion”, u shpreh fqinja.