Harta e re gjyqësore, Dhoma Kombëtare e Avokatisë: Mund të shkojmë drejt një bojkoti total

Bojkoti katër ditor i avokatëve në mbarë Shqipërinë si qëndrim kundër hartës së re gjyqësore, mbaroi sot, por Dhoma Kombëtare e Avokatëve paralajmëron se mund të shkojmë drejt një bojkoti total.

Po ashtu i kërkohet Këshillit të Ministrave, si organ vendimarrës për miratimin e hartës gjyqësore, që të marrë në konsideratë vërejtjet dhe propozimet e bëra.

Dhoma Kombëtare e Avokatisë, thotë se është konstatuar se kjo hartë gjyqësore është në shkelje të plotë të së drejtës së individit për aksesin në drejtësi, mungesën e eficencës në realizimin e të drejtës e mbrojtjes së qytetarëve si dhe në rëndimin e situatës ekonomike-sociale të individit.