Heqja e kuorumit 3/5 nga këshillat bashkiakë, Caka: Kështu u shemb Teatri, nuk i shërben interesit publik

LSI-ja çoi sot në Kushtetuese ligjin për vetëqeverisjen vendore. Ish-deputetja Silva Caka, thotë se heqja e kuorumit 3/5 lidhur me vendimet e këshillave bashkiakë nuk i shërbejnë interesit publik. Ajo tha një rast i tillë që u aplikuar një gjë e tillë është ajo kalimit të Teatrit Kombëtar drejt bashkisë Tiranë që më pas hapi rrugën për shembjen e tij.

”Është kuorumi 3/5 që e ndalojnë pushtetarin që të bëhet arbitrar. Nëse hiqet ky kuorum dhe bëhet vetëm me votat e shumicës së thjeshtë. Për ne kjo nuk i shërben interesit të publikut.

Partia që fiton zgjedhjet fiton edhe shumicën e këshillit të lartë, por kjo nuk do të thotë se këshilli mund të trajtohet si pronë e kryetarit të këshillit, apo kryetarit të bashkisë. Shumicat e thjeshta janë të prirura që të jenë abuzive dhe drejt një interesi të caktuar.

Është një ligj që është aplikuar në mënyrën më të shëmtuar dhe është ligji i cili shembi Teatrin Kombëtar. Ky ligj i hapi rrugë qeverisë së pronën publike kombëtare ta kalonte si pronë vendore të bashkisë së Tiranës dhe është pikërisht 50+1 e këshillit bashkiak monopartiak të Tiranës që e bëri një gjë të tillë”,-tha për ”Ora News”.