Hoxha thirrje shtetit: Riktheni dënimin me vdekje

Në ”Forumin qytetar për sigurinë publike”, hoxha i xhamisë së Lezhës kërkoi rikthimin e dënimit me vdekje në vend.

”Shqipëria është rast i veçantë dhe në Europë duhet të pranohet si një rast i veçantë se nëse rikthehet dënimi me vdekje do të zgjidhen shumë plagë sociale që kanë mbërthyer vendin. Ne si komunitet mysliman do lobojmë në Parlament nëse jepet drita jeshile prej jush”, tha Hoxha.

Por Vlahutin tha se BE nuk e pranon dënimin me vdekje. ”Ky është një sugjerim po duhet të dini që ka disa vlera themelore që do të thotë jeta e çdo njeriu duhet mbrojtur. Ka një shtet të së drejtës, një shtet që ne po përpiqemi shumë të ndihmojmë që të funksionojë. Dëniumi me vdekje nuk pranohet nga BE”, tha Vlahutin.