Hyri nga dritarja, lezhjani kapet duket vjedhur brenda në dhomë

Aktualitet E Shtunë, 25 Shtator 2021 09:12

Policia e Lezhës ka arrestuar një 23-vjeçar me iniciale D.K.

I riu është kapur në flagrancë brenda në dhomën e një banese, ku kishte hyrë për të vjedhur.

Sipas policisë, banesa i përkiste shtetasit Gj.K.

Ky i fundit ka njoftuar policinë, pasi kishte konstatuar se dikush kishte hyrë nga dritarja.

Gjatë kontrollit trupor ndaj të riut, policia gjeti dhe sekuestroi edhe një thikë, e cila do të përdoret si provë materiale.

D.K kishte një javë që kishte dalë nga burgu.

Njoftimi i policisë

Lezhë

Tenton ti vjedhë banesën një shtetasi, arrestohet në flagrancë nga Policia, në një nga dhomat e banesës që ishte futur për të vjedhur.

Sekuestrohet në cilësinë e provës materiale një mjet prerës (thikë) që autori kishte me vete

Specialistët e Seksionit për Hetimin e Krimit në Komisariatin e Policisë Lezhë, arrestuan në flagrancë shtetasin: D.K.,23 vjeç, banues në Lezhë (i dënuar më parë për vjedhje, i cili para një jave kishte dalë nga burgu)

Ky shtetas, në orët e para të mëngjesit të sotëm, ka tentuar ti vjedhë banesën shtetasit Gj.K., banues në Lezhë, duke hyrë nga dritarja, por është konstatuar nga i zoti i banesës, i cili ka njoftuar menjëherë policinë.

Falë reagimit të menjëhershem të forcave policore pas marrjes se njoftimit, u bë e mundur kapja dhe arrestimi në flagrancë i këtij shtetasi, në një prej dhomave të banesës së shtetasit Gj.K, ku gjatë kontrollit fizik Policia i gjeti një mjet prerës (thikë).

Materialet për veprime të mëtejshme i kaluan Prokurorisë Pranë Gjykatës së Shkallës së Parë Lezhë për veprat penale “Vjedhja”dhe “Prodhimi dhe mbajtja pa leje e armëve të ftohta” .