Hysi: Tërmeti dhe pandemia e bënë të pazakontë këtë Parlament

Vasilika Hysi e cila nuk do të jetë më pjesë e Kuvendit të ardhshëm, thotë se kjo ishte një legjislaturë e pazakontë për dy arsye, zhvllimet politike por dhe për ato që nuk vareshin nga politika, siç janë tërmeti dhe pandemia.

”Në fakt, ishte një legjislaturë jo shumë e zakonshme për dy arsye. Për arsye politike por dhe për zhvillime që nuk vareshin nga politika.

E para është roli i opozitës, që hynte e dilte në Parlament dhe që në fund bëri atë që thamë, lënien e mandateve.

E dyta patëm dy ngjarje shumë të rënda, tërmeti I 26 nëntorit dhe pandemia, çka kërkoi që Parlamenti të kalonte në një formë të pazakontë të punës së tij, në formatin online. Nga ana tjetër ky parlament kishte një sërë detyrash dhe përgjegjësish për të përmbushur”.