Edhe pse shpresa është e madhe për uljen e kurbës së pandemisë së Covid-19, personeli mjekësor që u kujdes për të aksidentuarin në Durrës që u konfirmua me Covid-19, janë karantinuar 10 persona të personelit mjekësor nga Trauma. Pas rastit që u konfirmua nga ministria, që një prej të aksidentuarve që u dërgua te Trauma rezultoi me Covid-19 dhe e dërguan tek Infektivi, 5 mjekë dhe 5 infermierë nga Trauma janë karantinuar.
I riu 3 ditë më parë, pësoi një aksident, ku gjendja ishte e rëndë. Menjëherë është dërguar në spital të Durrësit, ku i është bërë skaneri dhe nga bluzat e bardha ka pasur dyshime se mund të jetë me Covid-19. Mësohet se i është marrë tamponi nga ku ka rezultuar pozitiv.
Tamponi i është marrë edhe shokut të tij dhe tre mjekëve por rezultuan negative. Ato janë vetëkarantinuar në shtëpi për 14 ditë. I riu është dërguar në Urgjencën e Spitalit Infektiv në Tiranë, ku mësohet se është në gjendje të stabilizuar.
