38-vjeçari shqiptar, Selavdi Shehaj nuk ia ka dalë të mbijetojë 4 ditë pas atentatit në plazhin e Torvaianica, afër Romës.
Shehaj u qëllua nga dy të maskuar teksa ishte në plazh, dhe në atë moment po pastronte argjinaturën e kanalit pranë uzinës.
Dy autorët u afruan me skutera dhe një prej tyre e qëlloi dy herë në shpinë Shehaj. Ai u transportua menjëherë në spital ku në një operacion të vështirë 4 orësh i hoqën plumbat.
Mediat italiane shkruanin se Selavdi Shehaj ishte me precedent penal për trafik droge, kishte bërë edhe burg, si dhe njihej për lidhjet me ish-kapon e tifozëve të Lazios Fabrizio Piscitelli që drejtone një grup të trafikut të drogës, por edhe ai ka përfunduar i vrarë kohë më parë.