I dënuar me burgim të përjetshëm, Laert Haxhiut i gjendet sërish celular në burgun e Drenovës

Laert Haxhia, i dënuar me burgim të përjetshëm, është kapur sërish me një aparat celulari brenda ambienteve të burgut të Drenovës.

Mësohet se pajisja telefonike i është gjetur gjatë kontrolleve të kryera nga autoritetet në institucionin e vuajtjes së dënimit.

Ky nuk është rasti i parë që një i dënuar për çështje të rënda penale kapet me mjete të palejuara në ambientet e burgut, ndërsa ngjarja pritet të pasohet nga verifikime dhe masa të tjera nga institucionet përgjegjëse.

Laert Haxhia është dënuar me burgim të përjetshëm për disa ngjarje kriminale, përfshirë vrasjen e Zamir Latifit dhe Jurgen Çelës në Lushnjë, si dhe akuza të tjera të rënda penale.