”I ka dalë boja”, Ish-deputeti Strazimiri: Rama do e zgjedhë vetë Presidentin e ri

Ish-deputeti demokrat Gent Strazimiri, thotë se kryeminisri Edi Rama do e zgjedhë vet presidentin e ri, ndërsa theksoi se kjo që po ndodh është një lojë që po bën Rama së bashku me Enkelejd Alibeajn si edhe me grupin e tij.

”Mazhoranca nuk e ka legjitimitetin për të zgjedhur presidentin, madje kjo mazhorancë nuk e ka legjitimitetin as për të qeverisur. Mendoj se është një skemë e fëlliqur, një skemë që i ka dalë boja dhe kushdo që u shkon nga mbrapa nuk e ka me Berishën por me të gjithë popullin opozitar.

Këtu nuk është çështja çfarë do të bëjë opozita në kuptimin Sali Berisha, Flamur Noka, Strazimiri, jo nuk është çështje individësh, nuk është një ndeshje futbolli ku po luajnë dy ekipe, është një ndeshje që duhet ta luajë dhe ta luftojë të gjithë shoqëria”.