I mori jetën shokun në Selanik, 45-vjeçari shqiptar pranon krimin dhe dorëzohet në polici

Autori i vrasjes së 50-vjeçarit që u qëllua pasditen e djeshme jashtë një karburanti në zonën e Analipsit, në lindje të Selanikut, është dorëzuar në  autoritetet policore. Bëhet fjalë për një shtetas shqiptar 45-vjeç, baba i tre fëmijëve, i cili u dorëzua i shoqëruar nga avokati i tij, Thanasis Alexopoulos. Sipas informacioneve të Voria.gr, 45-vjeçari ka debatuar edhe herë të tjera me viktimën, i cili është po ashtu shqiptar. Sipas mediave greke ato të dy ishin shokë, ndërsa sherri dyshohet se ka ndodhur për disa para të marra borxh.