I nxehti afrikan “sëmur” Elbasanin

I nxehti afrikan që ka përfshirë qarku ne Elbasanit, ka bërë që shumë qytetarë të kenë probleme shëndetësore, dhe kjo ka çuar që shumë prej tyre të paraqiten në shërbimin e urgjencës në Spitalin e Elbasanit.

100-150 persona i drejtohen spitalit çdo ditë, ndërsa mjeku Ermal Kurmaku thotë se shumica prej tyre i drejtohen repartit të neurologjisë.

“Gjatë javëve të fundit, nisur dhe nga dryshimet klimatike siç janë temperaturat e larta që janë shoqëruar me gjendje dehidrimi, këta [pacientë janë kandidatë që të pësojnë ato që quhen goditje cerebrale”,-tha Kurmaku.

Temperaturat e larta pritet të vijojnë edhe në ditët në vijim, ndaj mjekët bëjnë thirrje që qytetarët të kenë kujdes me ekspozimin në rrezet e diellit.