I riu përplas me makinë për vdekje të moshuarin

Një aksident me pasoja tragjike ka ndodhur orët e para të së dielës në aksin rrugor Shkodër-Koplik. Ngjarja ndodhi rreth orës 05:40.

Një 77-vjeçar, banues në Omaraj ka humbur jetën pasi u përplas nga një automjet në aksin rrugor Shkodër-Koplik.

Mjeti që shkaktoi aksidentin drejtohej nga një 24-vjeçar, banues në Gostivar, Maqedoni e Veriut. I riu u shoqërua në ambientet e Komisariatit të Policisë Shkodër.