TCH: Irani mund të godasë Shqipërinë me dronë

Lajmet e sotme të Top Channel theksuan se mediat qeveritare të Iranit paralajmërojnë se do të godasin Shqipërinë me dron që nuk kapen nga radarët.

Synimi mbetet goditja me dron e qendrës ku strehohen muxhahedinët në zonën e Durrësit.

Shërbimet intelegjente iraniane janë duke punuar se si të zhdukin opozitën iraniane e cila strehohet në Shqipëri e ku llogariten se janë mbi 3 mijë veta.

TCH nënvizoi se Irani akuzon opozitën iraniane e cila ndodhet në Shqipëri edhe për protestat e fundit në Iran.

Mediat qeveritare te shtetit iranian shkruajnë se do të godasin me dron që janë shumë të sofistikuar dhe që lëvizin me distanca të largëta.

“Dronët e hekurt të Iranit mundet të godasin bazën e Muxhahedinëve të MEK në Shqipëri”! Ky është titulli portalit Iranian “Front Page” (Faqja e parë), ku citohet një shkrim i një gazete qeveritare iraniane.

Gazeta qeveritare e Iranit duke cituar Ministrinë e Inteligjencës thotë se opozita MEK e strehuar në Shqipëri,  ka rrolin e saj në protestat masive të ditëve të fundit në disa qytete të  Iranit.

“Irani i jep të drejtën vetes që përballë veprimeve të MEK, të shënjestrojë bazën e tyre”.

Në artikull, edhe njëherë tjetër shfaqet retorika kërcënuese e Iranit ndaj vendit tonë, me të vetmin shkak, strehimin e rreth 3.000 anëtarëve të opozitës iraniane në vitin 2016.

Në fakt javët e fundit edhe në Ukrainë dronët iranianë të blerë nga Rusia po godasin fort ushtrinë e Ukrainës.