Ironia e Ylli Manjanit: Të rroni e ta kujtoni!

Analisti dhe juristi Ylli Manjani e ironizoi konferencën e sotme për drejtësinë me një postim të shkurtër online.

“Te Rogneri parkova biçikletën dhe thashë të pi kafenë e përditshme.

Pashë shumë makina të zeza. Zyrtarë të qeverisë, shtetit e drejtësisë me kostume te zinj. Edhe ambasadorë të veshur me të zeza.

-Ç’është ky mort?- pyeta te recepsioni.

-Është dita e drejtësisë- më tha punonjësja.

-Qenka me gjithë mend mort.

-Të rroni e ta kujtoni!- i thashë vetes dhe u nisa për gjyq,” shkruan Manjani, kur dihet se shumë gjykata janë mbyllur e ku qindra mijë dosje janë nëpër sirtare pa u gjykuar prej shumë vitesh.